असोज ५, काठमाडौ । प्रदेश २ सरकारले निजामती कर्मचारीको आधिकारिक ट्रेड युनियनको निर्वाचन स्थगित गर्न माग गर्दै संघीय सरकारको संघीय मामिला तथा सामान्य प्रशासन मन्त्रीलाई पत्राचार गरेको छ ।
मुख्यमन्त्री लालबाबु राउतले सोमबार पठाएको पत्रमा असाज २४ गते आधिकारिक ट्रेड युनियनको निर्वाचन गर्ने अवस्था नभएकाले स्थगित गर्न माग गरेका हुन् । कोरोना भाइरसको महामारी विद्यमान रहेको, प्रदेश २ महामारीबाट सबैभन्दा बढी प्रभावित रहेको पत्रमा लेखिएको छ ।
त्यस्तै ट्रेड युनियनको चुनावमा थ्रेस होल्डको विवाद रहेको र यससम्बन्धी मुद्धा सर्वोच्च अदालतमा विचाराधीन रहेकाले पनि निर्वाचन स्थगित गर्नुपर्ने मुख्यमन्त्री राउतले पत्रमा उल्लेख गरेका छन् ।
